Roeff, Arien, Lucas, Thonis, kijnderen Aert Jan Aelberts, Dirck Gerits, man en mombaer Heijlkens sijnder huisvrouw, Dirck Hoeben, man en mombaer Marien sijnder huijsvrouw, dochteren Aert Jans vs., Jochem, Merten, Arien, soenen Henrix die Junger, Goijert Wijgergans als man en mombaer Jenneken sijnder huijsvrouw, dochter Henrix die Junger, die selve gelovende en hen sterck makende voer de kijnderen Lucas Henrixs die Junger, Henrick en Gerit soenen Claes Gerits, Goessen Jan Goessens, man en mombaer Ariken sijnder huijsvrouw, Wreijns Henrixs als man en mobaer Marien sijnder huijsvrouw, dochteren Claes Gerits voirs. Arien en Jan Sanders, Jan Peters als man en mombaer Truijken sijnder huijsvrouw, dochter Sanders voirs., Henrisken Sanders met haeren gecozen mombaer haer gegeven, ut moris est, den die selve Arien en Jan gelovende en hen sterck makende voer heer Anthonis en Dries, soenen Sander voirs. alte samen erfgenamen van Cathelinen, huijsvrouw Thonis van Dommelen, hebben gesamder hant erffelick vercoft en opgedragen Willemen Jan Gertis, huijs, hoff en lant daer aen, gelegen in der parochien van Erp, aen die Groen Straet, genaempt het Scaepshoet, deen sij heer Cornelis die Leew, dander sij en deen eijnt die gemeijnt van Erp, dander eijnt de erfgenamen Gerit Sceper en hebben daer helmelinge op vertegen tot behoeff Willems voirs. Gelovende voerts op hennen persoenen en op allen hennen gueden hebbende en vercrijgende dat opdragen, vercopen en vertijen altijt vast en stedich te houden dat huijs den cooper te vrijen en te weeren, beheltelick dat die cooper daer jaerlix vuijt sall gelden eenen halven stuiver chijns