Familie Vermeulen Bosch Broks Habraken

Is 29 jaar oud bij zijn ondertrouw.

Woont bij ondertrouw 10 jaar in de stad.

Melchior van Breen schoenlapper heeft
zijn poorter eedt gedaen en ..
het poortersgelt getaelt actum den
v aprilis

Wij schepenen ons genadichs heere des conincx der banck van Steenhuffele, saluyt, met
kennisse der waerheyt doen te weten dat opden dach van

heden datum van desen voer ons ende voer Jan Goossens meyer van wegen als boven als
grontheer daer over staende gecomen ende gecompareert is in propren persoone Melchior
vanden Breen soene wijlen Melchens daer moeder aff was Marie Verspecht sijnder
huysvrouwe ende heeft in handen des voerschreven meyers opgedragen ende met wettiger
verthijenisse gederft ende getranspoirteert soe hij doet bij desen tot behoeff van Jans
vanden Breen sijnen bruer te weten alle zijn actie recht paert ende deel vande pachthoeve
lande weyde bogaerde ende anderssints daer toe behoorende inder vuegen manieren ende
grootte de selve goeden alleenlijck onder Steenhuffele gestaen ende gelegen zijn hem
comparandt van weghen sijns voerschreven vaders ende moeders (behalffven nochtans
tgene hem comparandt ende cedent inde selve goeden soude moeghen competeren van
sijns suesters weghen) gesuccedeert ende achtergelaeten soe wel cheyns eygen opsetten als
leengoeden geen daer aff besuendert noch vuytgescheyden – hem aldaer genoech bewesen
opde cheynsen lasten renten ende helftwinninghe daer op vuytgaende ende die daer op
souden moeghen bevonden wordden vuyt te gaene, geen daer aff vuytgesloten, die de selve
ontfanger metten verloopen van dyen soe wel verschenen als te verschijnen met oeck de
hergeweyden van leenen ingevalle daer eenighe sijn oft wesen mochten te moeten draghen
gelden ende betaelen sonder eenighe fraude – ende dit al noch boven de somme van twee
hondert viertich rinsguldenen eens die de voerschreven opdrager comparandt over den
coop

van sijne voerschreven actie bekendt bij desen vande voerschreven ontfangher ontfanghen
te hebben sonder hem ontfangher ter saecken voerschreven eenichsints meer te molesteren
in eenigher maniere –gelovende hem daer aff waerschap ende altoos genoech te doene op
datter yet aen gebraecke – onder de verbintenisse van sijnen persoon ende alle sijne goeden
presente ende toecomende - doende hier toe de selve opdrager al dat hij van rechts wegen
schuldich was van doene worpende ende verthijende metten halme gelijck trecht wijsde -
bekennende hem aende voers goeden nyet meer rechts noch deels te hebben noch te
behouden dans als eenen vrempden - daer naer de voers meyer van wegen als boven heeft
voirts den voergschreven comparant ende opdrager actie ende recht der voerschreven
goeden metten last commer ende restricties als boven overgegeven den voerschreven Jan
vanden Breen die alle tselve accepterende daer inne alsoe wel ende wettelijck es geguedt
ende geerft onder gelijcke beloeffenisse van waerschap als voerschreven ende dat om alsoe
de selve goeden in dyer vuegen bij hem sijne hoirs ende naecomelinghen te gebruycken als
hun eygen ende propre goet - gelovende de selve ontfanger ter saeke van desen te staen te
schote ende te lothe – bij consente ende manissen der voorschreven meyers ende bij
wijsdomme van ons schepenen bovenghenoempt hier toe es geschiet al datter metten
rechte schuldich was toe te geschieden nyet des hier inne behoirde versuempt noch
achtergelaeten behoudelijck altijt eenen yegelijcken zijnen goeden rechte – ende des
toirconden soe hebben wij schepenen bovenghenoempt den gemeynen zegel van onssen
schependomme desen letteren doen aanhangen.
Gedaen opten vijffventwintichten dach der maendt van septembri int jaer XVc ende
zevenentnegentich.
Present Henrick Putteman ende Augustijn van Achter.